Në Sarajevë ushtrohet dhunë ndaj Festivalit Queer

"Elysium" dënon ashpër sulmin ndaj pjesëmarrësve të Festivalit

25 Shtator 2008

Në Sarajevë për herë të parë organizohet Festivali Queer, i cili ekspozon kulturën gej në Bosnje dhe Hercegovinë. Disa javë para fillimit të këtij festivali kishte reagime dhe kundërshtime nga grupe radikale islame, të cilët përdornin gjuhë të urrejtjes dhe thërrisnin për vdekje të gejve. Ky ishte një tregues që gjatë mbajtjes së këtij Festivali, organizatorët do të hasnin në vështirësi të mëdha.

Festivali për art dhe kulturë i cili përfshin ekspozita, shfaqje, diskutime publike dhe filma, që ka filluar më datë 24 shtator dhe që është parapa të përfundojë më 28 shtator 2008, i organizuar nga organizata joqeveritare “Q”, është ndërprerë përkohësisht për shkaqe sigurie, pasi që disa pjesëmarrës të festivalit janë sulmuar nga grupe të rinjsh mysliman.

“Elysium”, dënon ashpër sulmin ndaj Festivalit Queer në Sarajevë, nga një numër i madh i të rinjve të cilët duke thirrur “Allahu Ekber” dhe duke përdorur slogane homofobike dhe fashiste, kanë gjuajtur me gurë dhe kanë sulmuar pjesëmarrësit e këtij Festivali.

Kjo ngjarje në Sarajevë tregon që komuniteti LGBT ka sfida të shumta dhe është shumë e qartë që dhuna ndaj këtij komuniteti ushqehet nga ekstremistët islamik, të cilët nuk mund të pranojnë që të gjithë njerëzit të jenë të barabartë pavarësisht nga identiteti i tyre. Sulmi i organizatorëve dhe pjesëmarrësve të festivalit është një shembull i papranueshëm në thyerjen e të drejtave të njeriut. Të gjitha të drejtat e njeriut duhet të respektohen pa asnjë përjashtim. Shpresojmë që qeveria e Bosnjës dhe Hercegovinës do t’i vendos para drejtësisë të gjithë sulmuesit.

Sipas organizatorëve të Festivalit, kjo ngjarje do të vazhdojë në formë tjetër dhe nuk do të jetë e hapur për gjithë publikun. Personat e duhur do të jenë të informuar për rrjedhën e festivalit në kohë të duhur.